LBMAning Jizzax viloyati filiali

O`zbekiston Respublikasi Prezidenti huzuridagi Loyiha boshqaruvi milliy agentligining Jizzax viloyati filiali (keyingi o`rinlarda – Agentlik filiali) 2018 yil 15 avgustda Jizzax shahrida tashkil etilgan.

Agentlik filialining tashkil etilishi va faoliyatining maqsadi O`zbekiston Respublikasi Prezidenti qoshidagi Loyiha boshqaruvi milliy agentligining (keyingi o`rinlarda – Agentlik) Jizzax viloyati hududidagi vazifalarini amalga oshirish va funksiyalarini bajarishdir. 

Agentlik filialining asosiy vazifalari:

• Jizzax viloyati hududida davlat va mintaqaviy dasturlar, shuningdek, investitsiya loyihalarini ishlab chiqish va amalga oshirishning samaradorligi hamda shaffofligini oshirish;
• norentabel va kamsamarali loyihalarni aniqlagan holda, loyihalarni sifatli va o`z vaqtida bajarilishiga ko`maklashishni ta’minlash;
• loyihalarning texnik-iqtisodiy jihatdan kompleks tahlilini amalga oshirish, jumladan, ularda korrupsiya va boshqa suiiste’mollik belgilari bor-yo`qligi jihatidan tahlil qilish;
• davlat xaridlari borasidagi qonunchilikni to`g`ri qo`llashni monitoring va nazorat qilish;
• davlat organlari va boshqa tashkilotlarda Loyiha boshqaruvi yagona milliy informatsion tizimining amal qilishini ta’minlovchi zamonaviy axborot-kommunikatsiya texnologiyalarini tatbiq etish;
• muvofiqlikni baholash organlari, metrologiya xizmatlari, sinov va kalibrlash laborotoriyalari va boshqa tashkilotlarni akkreditatsiyasi va inspeksiya nazoratiga ko`maklashish;
• loyiha boshqaruvi sohasida kadrlar tayyorlash va malakasini oshirishga ko`maklashish;
• O`zbekiston Respublikasining “Biznes faoliyati” hisobotidagi reytingini istiqbolda oshirilishi borasida investitsiya muhitini yaxshilash hamda davlat organlari faoliyatini muvofiqlashtirish;
• biznes olib borish uchun qulay ishbilarmonlik muhitini yaratish, tadbirkorlik subyektlari huquqlarining kafolatini kuchaytirish, korporativ boshqaruvni rivojlantirish, chet el investitsiyalarini faol jalb etish va investorlarni har tomonlama qo`lab-quvvatlanishini ta’minlash;
• davlat hokimiyati va boshqaruvining hududiy organlari, shuningdek, huquqni himoya qiluvchi organlar bilan samarali hamkorlikni tashkil etish;

Agentlik filiali quyidagi tashkilotlarning Jizzax viloyati bo`limlari faoliyatini muvofiqlashtiradi:

• “Loyihalarni va import kontraktlarini kompleks ekspertizadan o`tkazish markazi” DUK;
• “Akkreditatsiya markazi” DUK;
• Biznes va boshqaruv respublika oliy maktabi;
• “Mirzo Ulugbek Innovation Center” MCHJ.

Agentlik filiali direktori: Xen Eduard Klimentyevich

Manzil: 130100, Jizzax shahri, Sh.Rashidov ko`chasi, 77

Tel: 72 226-16-63

El.pochta: jizzaxnapm@exat.uz; jizzaxinfo@napm.uz