Размер шрифта:
A A
Цвет сайта:
A A

O`zbekiston Respublikasi Prezidenti huzuridagi Loyiha boshqaruvi milliy agentligi (keyingi o`rinlarda – Agentlik) Prezident Shavkat Mirziyoyevning 2017 yil 24 iyuldagi PF-5120-sonli Farmoniga binoan tashkil etilgan.

Agentlik – davlat rahbariga hisobot beruvchi yuridik shaxs huquqlariga ega bo`lgan davlat muassasasi hisoblanadi.

Uning faoliyat sohasi davlat organlari va boshqa tashkilotlar, davlat ulushi 50 foizdan ortiq bo`lgan xo`jalik jamiyatlari, shuningdek, O`zbekiston Respublikasi Vazirlar Mahkamasi mutasaddilik qiladigan xo`jalik subyektlariga nisbatan tatbiq etiladi. LBMA raqamli iqtisodiyotni tatbiq etish va rivojlantirish bo`yicha vakolatli organdir.

Loyiha boshqaruvi nima?

Bu jarayonni boshqarish bo`lib, chegaralangan resurs va vaqtga ega bo`lgan holda belgilangan natija – maqsadga erishish qobiliyatidir. Loyihalar ko`p bo`lsa-chi? Bu holda qaror qabul qilish va loyihalarni amalga oshirish jarayonini nazorat qilish uchun tizimli yondashuv, metodologiya va samarali mexanizm kerak bo`ladi. Respublika miqyosida olib qaralsa, har bir tarmoq yiliga o`nlab, balki yuzlab loyihalar ishlab chiqib, tasdiqlash uchun taqdim etadigan sharoitda har bir loyiha belgilangan natijaga to`liq erishishi uchun loyihalarni puxta boshqarish behad zarur hisoblanadi. Aynan shu vazifa Agentlikka yuklatilgan.

Agentlik – bir yo`la bir necha yo`nalishlarda o`zaro uyg`unlikda faoliyat yuritayotgan mutaxassislar jamoasidir.

Agentlik bugun:

  • davlat organlari va boshqa tashkilotlar, shuningdek, biznes-uyushmalar ekspert ishchi guruhlar faoliyatini, loyiha ishlarini takomillashtiradi, O`zbekistonda investitsiya muhitini yaxshilash masalalari yuzasidan tashkillashtiradi va muvofiqlashtiradi. Agentlik faoliyati doirasiga kiruvchi masalalar bo`yicha normativ-huquqiy hujjatlar loyihalari majburiy ravishda Agentlik bilan kelishilishi lozim;
  • islohotlarni amalga oshirish natijalarini o`rganadi, O`zbekiston investitsiya dasturlarining ishlab chiqilishini hamda amalga oshirilishini monitoring va nazorat qiladi;
  • blokcheyn texnologiyalarining tatbiq etiladigan faoliyat doiralarini aniqlaydi, raqamli iqtisodiyotni rivojlantirish va blokcheynni tatbiq etish nazarda tutilgan normativ-huquqiy hujjatlar loyihalari esa majburiy ravishda Agentlik ekspertizasidan o`tkazilishi lozim;
  • davlat mablag`lari hisobidan moliyalashtiriluvchi loyihalarni sifatli va o`z vaqtida bajarilishiga ko`maklashadi;
  • norentabelli va samaradorligi past loyihalarni aniqlaydi;
  • davlat organlari faoliyatida zamonaviy texnologiyalarni tatbiq etish konsepsiyasini ishlab chiqish va uni har taraflama tahlil etishni ta’minlaydi;
  • loyiha boshqaruvi sohasida kadrlarni o`qitish va malakasini oshirishga ko`maklashadi.

Agentlik davlat va nodavlat tashkilotlari, muassasalar, tadbirkorlik subyektlari, O`zbekiston Respublikasidagi chet davlatlarning diplomatik vakolatxonalari va konsullik muassasalari, xalqaro tashkilotlar, chet el korxonalari va mutaxassislari bilan o`zaro hamkorlik qiladi.

Agentlik «Mirzo Ulugbek Innovation Center», Abu Rayhon Beruniy nomidagi Respublika biznes va boshqaruv oliy maktabi, «Delta city» Xalqaro yuqori texnologiyalar innovatsion markazi, «Raqamli ishonch» raqamli iqtisodiyotni rivojlantirishni qo`llab-quvvatlash jamg’armasi faoliyatini nazorat qiladi.

Elektron hukumat va raqamli iqtisodiyot loyihalarini boshqarish markazi

Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi Oʻzbekiston Respublikasi Prezidentining 2019 yil 10 yanvardagi №PF-5624-sonli farmoniga asosan tashkil etilgan.