Быстрая навигация по сайту
Карта сайта

Loyihalarning amalga oshirilishi va dasturlar bajarilishini nazorat qilish

Loyihalarning amalga oshirilishi va dasturlar bajarilishini nazorat qilish

Loyiha boshqaruvi bir vaqtning o`zida g`ayrat, shijoat va yuqori darajadagi kasbiy mahoratning birlashuvini talab qiladi.   

Davlat va hududiy loyihalarning amalga oshirilishi va dasturlar ijrosini nazorat qilish – muammoli masalalarni qayerda va nima sababli vujudga kelishini real vaqt rejimida aniq tushunish imkonini beradigan loyiha boshqaruvi yirik mexanizmining eng muhim va ajralmas qismidir.

Ushbu yo`nalishda Agentlikning vazifalari nimalardan iborat?

Birinchidan, loyihalarning amalga oshirilishi va dasturlar ijrosining barcha bosqichlarida to`sqinlik qiluvchi omillarni aniqlaydi va o`rganadi.

Ikkinchidan, samaradorlikni baholaydi, loyihalarning rejalashtirilgan parametrlariga rioya qilinishini tahlil qiladi, prognoz ko`rsatkichlaridan chetga chiqilganligini aniqlaydi, ularni amalga oshirilishiga salbiy ta`sir ko`rsatuvchi sabablarni, omillarni aniqlaydi.

Uchinchidan, norentabelli va samaradorligi past loyihalarni aniqlaydi.

To`rtinchidan, tegishli davlat va xo`jalik boshqaruvi organlariga ularni bartaraf etish yuzasidan shoshilinch choralar ko`rish to`g`risida xulosalar chiqaradi va takliflar kiritadi.

Shu tariqa Agentlik investitsiyaviy va infratuzilmaviy loyihalarning samarali amalga oshirilishi asosida davlat daromadlarining oshirilishiga hissa qo`shadi, korporativ boshqaruvni takomillashtirish jarayoniga davlat korxonalarini jalb qiladi hamda investitsiyalarni jalb qilish uchun davlat aktivlaridan foydalanilishiga hissa qo`shadi.

Agentlik, shuningdek davlat mulkidan qanchalik samarali foydalanilayotganligini tahlil qiladi, boshqaruv va moliyaviy vositalarning ilg`or metodlarini joriy qilish bo`yicha takliflar ishlab chiqadi.

Shuni esda tutish lozimki, Agentlik faoliyati faqatgina davlat va hududiy rivojlanish dasturlarida, shuningdek O`zbekiston Respublikasi davlat byudjeti hamda davlat maqsadli jamg`armalari (yoki O`zbekiston Respublikasining rivojlanish davlat dasturlarini moliyalashtirish jamg`armasi), O`zbekiston Respublikasi va O`zbekiston Hukumati tomonidan jalb etiladigan xorijiy kreditlar, zayom va grantlar, korxonalarning – ustav fondida davlat ulushi 50 foizdan ortiq bo`lgan xo`jalik subyektlarining o`z mablag`lari va O`zbekiston Respublikasi Vazirlar Mahkamasi tasarrufidagi xo`jalik subyektlarining mablag`lari hisobidan moliyalashtiriladigan loyihalarida tatbiq etiladi.